Barcelona Oo Guul-darradii Labaad Ee Xidhiidh Ah Loo Xambaariyey Kaddib Naxdintii Man United

 

by:Mohamed Caddan



Kooxda kubadda cagta Barcelona ayaa guul-darro xanuun badan kala soo kulantay Almeria oo khadka cas kaga soo baxday saddex dhibcood oo ay ka xoogtay Blaugrana kulan uu tababare Xavi Hernandez kaadh qaatay.

Barcelona ayaa iska lumisay fursad ay kusii dheeraysan lahayd hoggaanka horyaalka Spain ee LaLiga oo ay toban dhibcood oo nadiif ah ka horreyn lahayd, hase yeeshee gool uu qaybtii hore ka dhaliyey El Bilal Toure ayaa musiibo ku noqday oo ay iska soo bedi waayeen.

Ciyaarta oo ay inteeda badan maamulaysay Barcelona oo ay heshay fursado tiro badan, ayay sidoo kale ku sigteen in dhamaadkee gool kale loo raaciyo, hase yeeshee waxa la baxsaday goolhaye Ter Stegen oo kubbad kalidii loola tegay badbadiyey

45kii daqiiqadood ee hore ee ciyaarta ayay Barcelona ogolaatay in ay Almeria siday doonto u ciyaarto, waxaana layaab ahayd in difaaceedu uu furnaa oo ay ogolaadeen in El Bilal Toure uu goolka guul-darrada u keenay uu ka dhaliyo daqiiqaddii 24aad.

Afka hore ee weerarka ee ay ku xoogganaayeen ayaa Barcelona  qaybtii hore ka burbursanaa inkasta oo ay ciyaarayeen Lewandowski, Ferran Torres iyo Gavi, waxaanay awoodi waayeen in ay xataa hal gool ku aaddiyaan goolka inkasta oo ay marar badan kubadda lasoo galeen xerada ganaax.

Raphinha oo beddel kusoo galay ayaa sameeyey dhawr fursadood oo fiican balse kubbad uu madax ku qabtay ayuu birta dul-mariyey.

Robert Lewandowski ayaa kubbad loo dhaafiyey difaacyahannada waxa ka  qabtay goolhaye Fernando Martinez oo laf-dhuungashay ku noqday balse waxa lagu qaaday offside caddaan ah isaga oo xataa kubadda laga joojiyey.

Difaaca reer Uruguay ee Ronald Araujo ayaa dhamaadkii ciyaarta waxa uu lumiyey fursad fiican oo uu kooxdiisa guul-darro kaga badbaadin lahaa halka goolhaye Ter Stegen uu isaguna dhibaato badan la kulmay oo uu kubbado badan badbaadiyey.

Embarka aya soo burburiyey khadka dhexe ee Barcelona, waxaana uu kubbad u dhiibay Costa oo isaguna ku toogtay goolka, balse goolhaye Ter Stegen ayaa isku kala bixiyey oo ka badbaadiyey.

Guul-darradan lama filaanka ku noqotay Barcelona ayaa waxay ka dhigan tahay in kooxda reer Catalonia ay haysato 59 dhibcood, waxaanay toddoba dhibcood ka horreysaa Real Madrid oo kaalinta labaad ku jirta.





Comments

Post a Comment

Popular posts from this blog

Maxaa loo diiday in janaaso lagu tukado marxuum ku geeriyooday Muqdisho

Image
          Hadal heyn xoogan ayaa ka dhalatay kadib markii culimadii joogay Masjid ku yaalla deegaanka Tabeelaha Sheekh Ibraahim ee duleedkaMuqdisho ay diideen in salaada Janaasada ay ku tukadaan mayd la Keenay Masjidka. Sheekh Nuur Cali Jaamac oo kamid ah culimada masjidkaas oo la hadlay warbaahinta gudaha ayaa ka hadlay sababta loogu tukan waayay marxuumka ee dib looga celiyay masaajidka. Waxaa uu sheegay in Maasidka oo ah mid weyn maalin walba la keeno meyd, isla markaana ay aaminsan yihiin in dadka Soomaaliyeed ay yihiin dad wada islaam ah, sidaas daraadeedna aysan iyagu dadka weydiin in qofka la keenay uu yahay islaam ama gaal, waa sida uu hadalka sheekhu u dhigay. "Dhammaan dadka Soomaaliyeed asalkooda waa dad Muslimiin ah, qofkii isaga ka baxay Islaamka isaga ayay u taallaa” ayuu yiri Sheekh Nuur Cali Jaamac. Sheekh Nuur Cali Jaamac oo ka mid ah culimada Masjidka Waalidayn ayaa sheegay in qaar kamid ah dadkii wax ka waday marxuumka ay sheegeen in 'uus...
Read more » Wararka Ciyaaraha Maanta

Chelsea Oo Soo Afjartay Guulo La’aantii LIXDA Ciyaarood Ee Xidhiidhka Ahaa, Xilli Uu Fofana La Baxsaday Graham Potter

Image
  Kooxda kubadda cagta Chelsea ayaa gaadhay guusheedii koowaad muddo toddoba ciyaarood ah iyaga oo soo afjaray inkaartii goolal la’anta iyo guulo la’aanta ahayd ee ay in muddo ah la daalaa-dhacayeen. Gool madi ah oo uu u dhaliyey difaaca reer France ee Wesley Fofana ayaa Chelsea siiyey guul ay aad ugu baahnaayeen oo ay ku xidhnayd shaqada tababare Graham Potter, waxaanay sidaas kusoo afjareen lix ciyaarood oo guulo la’aan ahaa, halka ay sidoo kalena u tahay guushii saddexaad ee 17kii ciyaarood ee ugu dambeeyey ay gaadheen. 45 daqiiqadood oo niyad jab ahaa kaddib, Chelsea ayaa xaqiijisatay guul ayaa heshay gool ka badbaadiyey qalbi-jabkii muddada ay kusoo jireen, waxaana geesigooda noqday Fofana oo la kulmay kubbad uu soo dhigay Ben Chilwell. Xiddiga reer Germany ee Kai Havertz ayaa u dhowaaday inuu hoggaanka u dhiibo kooxdiisa Chelsea qaybtii hore isaga oo goolka la hortegay kubbad difaacyahannada loo dhaafiyey hase yeeshee waxa ka badbaadiyey goolhye Meslier oo ka leexiyey goolka....
Read more » Wararka Ciyaaraha Maanta

Muxuu Erik ten Hag Ka Yiri Xasuuqii Manchester United Ka Soo Gaaray Liverpool?

Image
  Erik ten Hag ayaa ku weeraray ciyaartoydiisa qaab ciyaareed aan la aqbali karin iyo xirfad xumo kulankii xasuuqa uu ka soo gaaray Liverpool oo aheyd mid barbareysay rikoodhka guuldaradoodii ugu xumeyd abid. Waana guuldaradoodii ugu xumeyd abid ee horyaalka Premier League. Liverpool ayaa cagta la dulmartay Man United qeybtii labaad ee ciyaartii Anfield, iyagoo hogaan 1-0 oo qeybtii hore aheyd u bedelay 7-0 iyadoo Cody Gakpo, Darwin Nunez iyo Mohamed Salah ay min labo gool dhaliyeen. United ayaa kulankaan ciyaareysay iyagoo ku soo guuleystay koobkoodii ugu horeysay tan iyo 2017kii, laakiin waxaa farxadooda uga ciyaartay Liverpool oo xasuuq aysan ilaawi doonin dhabarka u saariay. Ten Hag ayaa qirtay inuu aad uga careysan yahay guuldarada taasoo keentay inay 14 dhibcood ka dib maraan kooxda horyaalka hogaamineysa ee Arsenal laakiin wuxuu kooxdiisa ku taageeray in kooxdiisa ay ka soo kabsan doonto xasuuqaan si la mid ah sidii ay uga soo kabsadeen xasuuqyadii Manchester City iyo Brentf...
Read more » Wararka Ciyaaraha Maanta