CHAMPIONS: Manchester United Oo Ku Guuleysatay Carabao Cup

by: Mohamed Caddan




Kooxda kubadda cagta Manchester United ayaa ku guuleysatay koobkeedii ugu horreeyey muddo lix sannadood ah, iyaga oo finalka Carabao Cup ku garaacay Newcastle United oo aan wax koob ah ku guuleysanin tan iyo sannadkii 1955kii.

Erik ten Hag ayaa ku hoggaamiyey Manchester United koobkeedii ugu horreeyey tan iyo 2017kii, waxaanay 2-0 ku garaaceen Newcastle United kulan ay Casemiro iyo Marcus Rashford isku qoreen diiwaanka goolasha.

Bilowgii ciyaarta ayay labada kooxood si adag ugu loollameen khadka dhexe iyadoo dagaalkiina ay ku guuleysatay Manchester United oo xiddigaheeda Casemiro, Fred iyo Bruno Fernandes ay la khibrad ciyaareen xiddigaha xoogga ku dheela ee Newcastle.

Casemiro ayaa karoos heersare ah kasoo dhiibay dhinaca, waxaana uu lugta u saaray Fred oo isaguna dib ugu soo celiyey Weghorst oo ku toogtay goolka, balse waxa badbaadiyey goolkaye Karius oo isku tuuray kubadda oo dhulka socotay, ka hor intii aanu David de Gea kubbd dheer u tuurin Marcus Rashford oo isaguna usii gudbiyey Antony oo darbad xooggan ku toogtay waxaase mar kale badbaadiyey goolhaye Karius.




Saint-Maximin ayaa burburiyey Diogo Dalot waxaanu kubbadda soo hormariyey goolka oo uu lugta la tiigsaday Longstaff waxaase diyaar usii ahaa David de Gea oo labada gacmood ku joojiyey kubaddaas.

Manchester United ayaa hoggaanka u qabatay ciyaarta daqiiqaddii 33aad. Casemiro ayaa madax ku qabtay kubbad laad xor ahayd oo uu soo laaday Luke Shaw, taas oo uu garsooruhu markiiba ansixiyey.



VAR ayaa shaki gelisay goolkan iyadoo lagu tuhmay offside, hase yeeshee waa la fasaxay markii ay soo baxday in Casemiro uu la sinnaa difaacyahannada Newcastle.



Shan daqoiiqadood kaddib ayay Manchester United hoggaanka sii dheeraysatay, waxaana kubbad isku qabtay difaaca Newcastle ee Sven Botman oo isku dayayey inuu joojiyo kubbad uu Marcus Rashford goolka la hortegay.

Kubbad uu Casemiro khadka dhexe ka farsameeyey ayuu u dhiibay Weghorst oo isaguna difacyahannada u dhaafiyey Marcus Rashford oo goolka ku toogtay, waxayse kusii dhacday Sven Botman oo goolhaye Karius ka dallacay kubadda

Botman ayaa noqday ciyaartoygii saddexaad ee abid finalka Carabao Cup iska dhaliya gool,  waxaana ka horreeyey Roger Kenyon oo 1977 isku qabtay kubbad, Gordon Chisholm oo1985kii sidaas oo kale sameeyey iyo Steven Gerrard oo 2005 goolkiisa ku leexiyey kubbad uu isku dayayey inuu difaaco.

Burns ayaa madax awood badan dul-mariyey goolka Manchester United markii uu helay kubbad uu Trippier dhinaca midig kasoo qaaday, hase yeeshee weerar degdeg ah ayay Manchester United kaga jawaabtay waxaana kubbad awood badan bannaanka ka toogtay Antony iyadoo uu goolhaye Karius sameeyey badbaadintii ugu fiicnayd ciyaarta.

Eddie Howe ayaa isbeddelo uu sameeyey qaybtii labaad waxay sare usoo qaadeen weerarka kooxdiisa, iyadoo Saint-Maximin oo markii hore kalidii ay iskugu tegayeen difaaca Manchester United uu helay Alexander Isak oo culayska ka fududayiyey. Laakiin Erik ten Hag ayaa isaguna soo geliyey Aaron Wan-Bissaka oo ay xakameeyey dhaqdhaqaaqii badnaa ee weeraryahanka reer France.

Wan-Bissaka ayaa kubbad ka boobay dhexda Newcastle, waxaanu u dhiibay Rashford oo isaguna u dhiibay Antony, waxaase difaacay Botman.

Fred ayaa badbaadiyey kubbad halis badnayd oo uu Joelington ku toogtay goolkiisa, taas oo muddo ku dhax wareegtay difaaca United oo ay iska saari kari waayeen.

Rashford ayaa isku dayay inuu helo gool magaciisu ku qoran yahay daqiiqadii 76aad, waxaana uu darbad xooggan ku toogtay goolka uu waardiyaha ka ahaa Karius, waxaase goolka u diiday goolhayaha reer Germany oo isku tuuray kubbad awood badnayd oo dhulka socotay


Murphy ayaa dhamaadkii ciyaarta darbad xooggan ku toogtay goolka United waxayse waxyar dhinaca midig ka martay birta.

Bruno Fernandes ayaa goolka la hortegay kubbad uu difaaca u jaray oo aanay cidina haynin, waxaase shabaqiisa uga dhaartay Karius. Fernandes ayaa haddii uu kubaddaas u dhiibi lahaa waxa meel cidlo ah taagnaa lab ciyaartoy oo kooxdiisa ah.

Ciyaarta ayaa kusoo dhamaatay 2-0 ay guushu ku raacday Manchester United oo sidaa ugu guuleysatay koobkeedii ugu horreeyey tan iyo sannadkii 2017.

Comments

Post a Comment

Popular posts from this blog

Maxaa loo diiday in janaaso lagu tukado marxuum ku geeriyooday Muqdisho

Image
          Hadal heyn xoogan ayaa ka dhalatay kadib markii culimadii joogay Masjid ku yaalla deegaanka Tabeelaha Sheekh Ibraahim ee duleedkaMuqdisho ay diideen in salaada Janaasada ay ku tukadaan mayd la Keenay Masjidka. Sheekh Nuur Cali Jaamac oo kamid ah culimada masjidkaas oo la hadlay warbaahinta gudaha ayaa ka hadlay sababta loogu tukan waayay marxuumka ee dib looga celiyay masaajidka. Waxaa uu sheegay in Maasidka oo ah mid weyn maalin walba la keeno meyd, isla markaana ay aaminsan yihiin in dadka Soomaaliyeed ay yihiin dad wada islaam ah, sidaas daraadeedna aysan iyagu dadka weydiin in qofka la keenay uu yahay islaam ama gaal, waa sida uu hadalka sheekhu u dhigay. "Dhammaan dadka Soomaaliyeed asalkooda waa dad Muslimiin ah, qofkii isaga ka baxay Islaamka isaga ayay u taallaa” ayuu yiri Sheekh Nuur Cali Jaamac. Sheekh Nuur Cali Jaamac oo ka mid ah culimada Masjidka Waalidayn ayaa sheegay in qaar kamid ah dadkii wax ka waday marxuumka ay sheegeen in 'uus...
Read more » Wararka Ciyaaraha Maanta

Chelsea Oo Soo Afjartay Guulo La’aantii LIXDA Ciyaarood Ee Xidhiidhka Ahaa, Xilli Uu Fofana La Baxsaday Graham Potter

Image
  Kooxda kubadda cagta Chelsea ayaa gaadhay guusheedii koowaad muddo toddoba ciyaarood ah iyaga oo soo afjaray inkaartii goolal la’anta iyo guulo la’aanta ahayd ee ay in muddo ah la daalaa-dhacayeen. Gool madi ah oo uu u dhaliyey difaaca reer France ee Wesley Fofana ayaa Chelsea siiyey guul ay aad ugu baahnaayeen oo ay ku xidhnayd shaqada tababare Graham Potter, waxaanay sidaas kusoo afjareen lix ciyaarood oo guulo la’aan ahaa, halka ay sidoo kalena u tahay guushii saddexaad ee 17kii ciyaarood ee ugu dambeeyey ay gaadheen. 45 daqiiqadood oo niyad jab ahaa kaddib, Chelsea ayaa xaqiijisatay guul ayaa heshay gool ka badbaadiyey qalbi-jabkii muddada ay kusoo jireen, waxaana geesigooda noqday Fofana oo la kulmay kubbad uu soo dhigay Ben Chilwell. Xiddiga reer Germany ee Kai Havertz ayaa u dhowaaday inuu hoggaanka u dhiibo kooxdiisa Chelsea qaybtii hore isaga oo goolka la hortegay kubbad difaacyahannada loo dhaafiyey hase yeeshee waxa ka badbaadiyey goolhye Meslier oo ka leexiyey goolka....
Read more » Wararka Ciyaaraha Maanta

Muxuu Erik ten Hag Ka Yiri Xasuuqii Manchester United Ka Soo Gaaray Liverpool?

Image
  Erik ten Hag ayaa ku weeraray ciyaartoydiisa qaab ciyaareed aan la aqbali karin iyo xirfad xumo kulankii xasuuqa uu ka soo gaaray Liverpool oo aheyd mid barbareysay rikoodhka guuldaradoodii ugu xumeyd abid. Waana guuldaradoodii ugu xumeyd abid ee horyaalka Premier League. Liverpool ayaa cagta la dulmartay Man United qeybtii labaad ee ciyaartii Anfield, iyagoo hogaan 1-0 oo qeybtii hore aheyd u bedelay 7-0 iyadoo Cody Gakpo, Darwin Nunez iyo Mohamed Salah ay min labo gool dhaliyeen. United ayaa kulankaan ciyaareysay iyagoo ku soo guuleystay koobkoodii ugu horeysay tan iyo 2017kii, laakiin waxaa farxadooda uga ciyaartay Liverpool oo xasuuq aysan ilaawi doonin dhabarka u saariay. Ten Hag ayaa qirtay inuu aad uga careysan yahay guuldarada taasoo keentay inay 14 dhibcood ka dib maraan kooxda horyaalka hogaamineysa ee Arsenal laakiin wuxuu kooxdiisa ku taageeray in kooxdiisa ay ka soo kabsan doonto xasuuqaan si la mid ah sidii ay uga soo kabsadeen xasuuqyadii Manchester City iyo Brentf...
Read more » Wararka Ciyaaraha Maanta