DEG-DEG: Lionel Messi Oo Ammaankiisa La Ilaalinayo Kaddib Rag Hubaysan Oo Rasaas Oodda Kaga Qaaday Meherad Ay Leeyihiin & Digniinta Loo Diray

 by:Mohamed Caddan


Xiddiga reer Argentina ee Lionel Messi ayaa ammaankiisa taxadar dheeraad ah laga samayn doonaa, kaddib markii rag hubaysan ay weerar ku qaadeen supermarket ay qoyskiisu ku leeyihiin magaalada Rosario, isla markaana nus-dersin xabbado ah ku fureen meheraddan.

Budhcadda ayaa waxa muuqaalkooda duubay kaamirooyinka ku xidhnaa supermarket-ka, waxaanay ahaayeen laba nin oo hubaysan oo watay mooto ama dhug-dhuglay.

Booliska ayaa ku raad-jooga budhcaddan, hase yeeshee waxa Lionel  Messi aragagax gelinaya qoraal ay ku qoreen derbiga meheradda oo ay ugu sheegeen xiddiga reer Argentina in la khaarajinayo.

Falkan oo ka dhacay magaalada ay deggan yihiin qoyska Lionel Messi ee Rosario ee waddanka Argentina, ayaa waxa meheradda supermarket-ka ah iska leh qoyska xaaska Lionel Messi ee Antonela Roccuzzo, waxaanay dhacdadu timid xilli habeennimo ah oo aanay cidi joogin goobta maadaama uu weerarku dhacay saqdii dhexe ee xalay.

Warbaahinta Argentina ayaa sheegtay in xabbado badan ay budhcaddani la dhaceen albaabka iyo daaqadaha supermarket-ka.

Qoraal ay ku qoreen darbiga meheradda ayay ku yidhaahdeen: “Messi, wanu ku sugaynaa. Javkin waxa uu ka ganacsadaa daroogada kumana ilaalin karo.”

Pablo Javkin waa duqa magaalada Rosario ee uu falku ka dhacay, isla markaana Lionel Messi iyo qoyskiisu ay deggan yihiin.

Telefishan maxalli ah ayaa ku warramay in farriintani u muuqato mid ay dirayaan budhcadda dalkaas oo isku dayaya inay lacago baad ah ka qaadaan xiddiga reer Argentian ee Lionel Messi.

Lionel Messi ayaa waxa uu duleedka magaalada Rosario ku leeyahay dhisme ku fadhiya dhul weyn oo lagu magacaabo The Fortress, waxaanay la sheegay in gurigaas loo dhisay si cajiib ah oo ay ku yallaan garoomo, goobo qarsoodi ah oo uu naftiisa ku badbaadin karo haddii uu halis dareemo, shaneemo ad u weyn, goob lagu jimicsado iyo geerash qaadaya 15 baabuur.

Antonela oo ay is-guursadeen June 2017 ayay iyadana qoyskoodu deggan yihiin magaaladan oo ay ku leeyihiin hotel weyn oo lagu magacaabo City Centre Hotel iyo goob lagu ciyaaro khamaarka.

Comments

Post a Comment

Popular posts from this blog

Maxaa loo diiday in janaaso lagu tukado marxuum ku geeriyooday Muqdisho

Image
          Hadal heyn xoogan ayaa ka dhalatay kadib markii culimadii joogay Masjid ku yaalla deegaanka Tabeelaha Sheekh Ibraahim ee duleedkaMuqdisho ay diideen in salaada Janaasada ay ku tukadaan mayd la Keenay Masjidka. Sheekh Nuur Cali Jaamac oo kamid ah culimada masjidkaas oo la hadlay warbaahinta gudaha ayaa ka hadlay sababta loogu tukan waayay marxuumka ee dib looga celiyay masaajidka. Waxaa uu sheegay in Maasidka oo ah mid weyn maalin walba la keeno meyd, isla markaana ay aaminsan yihiin in dadka Soomaaliyeed ay yihiin dad wada islaam ah, sidaas daraadeedna aysan iyagu dadka weydiin in qofka la keenay uu yahay islaam ama gaal, waa sida uu hadalka sheekhu u dhigay. "Dhammaan dadka Soomaaliyeed asalkooda waa dad Muslimiin ah, qofkii isaga ka baxay Islaamka isaga ayay u taallaa” ayuu yiri Sheekh Nuur Cali Jaamac. Sheekh Nuur Cali Jaamac oo ka mid ah culimada Masjidka Waalidayn ayaa sheegay in qaar kamid ah dadkii wax ka waday marxuumka ay sheegeen in 'uus...
Read more » Wararka Ciyaaraha Maanta

Chelsea Oo Soo Afjartay Guulo La’aantii LIXDA Ciyaarood Ee Xidhiidhka Ahaa, Xilli Uu Fofana La Baxsaday Graham Potter

Image
  Kooxda kubadda cagta Chelsea ayaa gaadhay guusheedii koowaad muddo toddoba ciyaarood ah iyaga oo soo afjaray inkaartii goolal la’anta iyo guulo la’aanta ahayd ee ay in muddo ah la daalaa-dhacayeen. Gool madi ah oo uu u dhaliyey difaaca reer France ee Wesley Fofana ayaa Chelsea siiyey guul ay aad ugu baahnaayeen oo ay ku xidhnayd shaqada tababare Graham Potter, waxaanay sidaas kusoo afjareen lix ciyaarood oo guulo la’aan ahaa, halka ay sidoo kalena u tahay guushii saddexaad ee 17kii ciyaarood ee ugu dambeeyey ay gaadheen. 45 daqiiqadood oo niyad jab ahaa kaddib, Chelsea ayaa xaqiijisatay guul ayaa heshay gool ka badbaadiyey qalbi-jabkii muddada ay kusoo jireen, waxaana geesigooda noqday Fofana oo la kulmay kubbad uu soo dhigay Ben Chilwell. Xiddiga reer Germany ee Kai Havertz ayaa u dhowaaday inuu hoggaanka u dhiibo kooxdiisa Chelsea qaybtii hore isaga oo goolka la hortegay kubbad difaacyahannada loo dhaafiyey hase yeeshee waxa ka badbaadiyey goolhye Meslier oo ka leexiyey goolka....
Read more » Wararka Ciyaaraha Maanta

Muxuu Erik ten Hag Ka Yiri Xasuuqii Manchester United Ka Soo Gaaray Liverpool?

Image
  Erik ten Hag ayaa ku weeraray ciyaartoydiisa qaab ciyaareed aan la aqbali karin iyo xirfad xumo kulankii xasuuqa uu ka soo gaaray Liverpool oo aheyd mid barbareysay rikoodhka guuldaradoodii ugu xumeyd abid. Waana guuldaradoodii ugu xumeyd abid ee horyaalka Premier League. Liverpool ayaa cagta la dulmartay Man United qeybtii labaad ee ciyaartii Anfield, iyagoo hogaan 1-0 oo qeybtii hore aheyd u bedelay 7-0 iyadoo Cody Gakpo, Darwin Nunez iyo Mohamed Salah ay min labo gool dhaliyeen. United ayaa kulankaan ciyaareysay iyagoo ku soo guuleystay koobkoodii ugu horeysay tan iyo 2017kii, laakiin waxaa farxadooda uga ciyaartay Liverpool oo xasuuq aysan ilaawi doonin dhabarka u saariay. Ten Hag ayaa qirtay inuu aad uga careysan yahay guuldarada taasoo keentay inay 14 dhibcood ka dib maraan kooxda horyaalka hogaamineysa ee Arsenal laakiin wuxuu kooxdiisa ku taageeray in kooxdiisa ay ka soo kabsan doonto xasuuqaan si la mid ah sidii ay uga soo kabsadeen xasuuqyadii Manchester City iyo Brentf...
Read more » Wararka Ciyaaraha Maanta