Khabiir Saadaaliyey Tirada Goolasha Ay Kala Dhalin Doonaan Liverpool & Manchester United – Midkee Ayuu Guusha Siiyey?

 


Horyaalka waddanka Ingiriiska ee Premier League waxa il gaar ah lagu hayn doonaa kulanka adag ee Liverpool iyo Manchester United ee Axadda oo labada kooxoodba raadin doonaan guul si weyn uga caawisa hammigooda ah inay sare u dallacaan oo ay kooxaha ka horreeya ku dhowaadaan.

Liverpool oo kaalinta lixaad ku jirta waxa uu hunguri kaga jiraa inay soo gasho booska shanaad haddii ay garaacdo Manchester United, sidoo kalena ay Man City ka badiso Newcastle United. Sidaas oo kale, Manchester United ayaa waxay ku dhowaan doontaa Man City oo labaad fadhida haddii ay ka adkaato Liverpool.

Ciyaartoodii hore ee labadan kooxood, waxa guul weyn gaadhay Manchester United oo 2-1 ku karbaashtay Liverpool oo ku booqatay Old Trafford, hase yeeshee Liverpool ayaa labadii ciyaarood ee xilli ciyaareedkii hore ee Premier League si xun ugu karbaashtay Anfield iyo Old Trafford.

Stan Collymore oo weerarka uga ciyaari jiray Liverpool ayaa waxa uu fikirkiisa ka dhiibtay natiijada ay ku dhamaan doonto ciyaarta Manchester United iyo Liverpool ee Axadda, waxaana uu istaagay meel dhexe oo uu dhibcaha u qaybiyey nadigiisa.

Maqaal uu ku qoray wargeyska CaughtOffside, ayuu ku yidhi: “Dabcan Liverpool waxay Axadda garoonka Anfield ku martigelin doontaa Manchester United. Anigu kulamo badan ayaan soo ciyaaray oo aan United ka hor tegay, kuwo kle oo badanna waan daawaday, markaa khabiir ayaan ku ahay isku-dhacooda. Anigu odhan maayo ma noqonayso ciyaar wanagsan, laakiin ma filayo in goolal badan la iska dhalin doono.

“Mudnaan badan ayay leedahay ciyaartani. Man United kuma aanay guuleysanin Anfield lixdii ciyaarood ee ugu dambeeyey ee ay tagtay, Liverpool na waxa ka go’an in aanay Axada ku guul-darraysanin garoonkeeda.

“Waan hubaa in labada kooxoodba ay fursado heli doonaan laakiin waxa aan filayaa in Erik ten Hag iyo Jurgen Klopp ay samayn doonaan taxadr badan gaar ahaan maarka ciyaartoydu tagaan qaybta saddexaad ee garoonka ee kooxda kale.

“Waan qaldanaan karaa, laakiin saadaashaydu waa in ay natiijadu noqon doonto barbarro aad loogu dagaallamo. Waxay ku kala bixi doonaan 1-1. Waxay ilaa tahay in labada kooxoodba ku faraxsanaanayaan natiijadaas.”

Comments

Post a Comment

Popular posts from this blog

Maxaa loo diiday in janaaso lagu tukado marxuum ku geeriyooday Muqdisho

Image
          Hadal heyn xoogan ayaa ka dhalatay kadib markii culimadii joogay Masjid ku yaalla deegaanka Tabeelaha Sheekh Ibraahim ee duleedkaMuqdisho ay diideen in salaada Janaasada ay ku tukadaan mayd la Keenay Masjidka. Sheekh Nuur Cali Jaamac oo kamid ah culimada masjidkaas oo la hadlay warbaahinta gudaha ayaa ka hadlay sababta loogu tukan waayay marxuumka ee dib looga celiyay masaajidka. Waxaa uu sheegay in Maasidka oo ah mid weyn maalin walba la keeno meyd, isla markaana ay aaminsan yihiin in dadka Soomaaliyeed ay yihiin dad wada islaam ah, sidaas daraadeedna aysan iyagu dadka weydiin in qofka la keenay uu yahay islaam ama gaal, waa sida uu hadalka sheekhu u dhigay. "Dhammaan dadka Soomaaliyeed asalkooda waa dad Muslimiin ah, qofkii isaga ka baxay Islaamka isaga ayay u taallaa” ayuu yiri Sheekh Nuur Cali Jaamac. Sheekh Nuur Cali Jaamac oo ka mid ah culimada Masjidka Waalidayn ayaa sheegay in qaar kamid ah dadkii wax ka waday marxuumka ay sheegeen in 'uus...
Read more » Wararka Ciyaaraha Maanta

Chelsea Oo Soo Afjartay Guulo La’aantii LIXDA Ciyaarood Ee Xidhiidhka Ahaa, Xilli Uu Fofana La Baxsaday Graham Potter

Image
  Kooxda kubadda cagta Chelsea ayaa gaadhay guusheedii koowaad muddo toddoba ciyaarood ah iyaga oo soo afjaray inkaartii goolal la’anta iyo guulo la’aanta ahayd ee ay in muddo ah la daalaa-dhacayeen. Gool madi ah oo uu u dhaliyey difaaca reer France ee Wesley Fofana ayaa Chelsea siiyey guul ay aad ugu baahnaayeen oo ay ku xidhnayd shaqada tababare Graham Potter, waxaanay sidaas kusoo afjareen lix ciyaarood oo guulo la’aan ahaa, halka ay sidoo kalena u tahay guushii saddexaad ee 17kii ciyaarood ee ugu dambeeyey ay gaadheen. 45 daqiiqadood oo niyad jab ahaa kaddib, Chelsea ayaa xaqiijisatay guul ayaa heshay gool ka badbaadiyey qalbi-jabkii muddada ay kusoo jireen, waxaana geesigooda noqday Fofana oo la kulmay kubbad uu soo dhigay Ben Chilwell. Xiddiga reer Germany ee Kai Havertz ayaa u dhowaaday inuu hoggaanka u dhiibo kooxdiisa Chelsea qaybtii hore isaga oo goolka la hortegay kubbad difaacyahannada loo dhaafiyey hase yeeshee waxa ka badbaadiyey goolhye Meslier oo ka leexiyey goolka....
Read more » Wararka Ciyaaraha Maanta

Muxuu Erik ten Hag Ka Yiri Xasuuqii Manchester United Ka Soo Gaaray Liverpool?

Image
  Erik ten Hag ayaa ku weeraray ciyaartoydiisa qaab ciyaareed aan la aqbali karin iyo xirfad xumo kulankii xasuuqa uu ka soo gaaray Liverpool oo aheyd mid barbareysay rikoodhka guuldaradoodii ugu xumeyd abid. Waana guuldaradoodii ugu xumeyd abid ee horyaalka Premier League. Liverpool ayaa cagta la dulmartay Man United qeybtii labaad ee ciyaartii Anfield, iyagoo hogaan 1-0 oo qeybtii hore aheyd u bedelay 7-0 iyadoo Cody Gakpo, Darwin Nunez iyo Mohamed Salah ay min labo gool dhaliyeen. United ayaa kulankaan ciyaareysay iyagoo ku soo guuleystay koobkoodii ugu horeysay tan iyo 2017kii, laakiin waxaa farxadooda uga ciyaartay Liverpool oo xasuuq aysan ilaawi doonin dhabarka u saariay. Ten Hag ayaa qirtay inuu aad uga careysan yahay guuldarada taasoo keentay inay 14 dhibcood ka dib maraan kooxda horyaalka hogaamineysa ee Arsenal laakiin wuxuu kooxdiisa ku taageeray in kooxdiisa ay ka soo kabsan doonto xasuuqaan si la mid ah sidii ay uga soo kabsadeen xasuuqyadii Manchester City iyo Brentf...
Read more » Wararka Ciyaaraha Maanta